Wednesday 23 May 2012

စိတ်ချမ်းသာချင်ရင်...


       စိတ်ချမ်းသာချင်ရင်စိတ်အကြောင်းကိုနားလည်ဖို့လိုတယ်။
စိတ်...အကြောင်းကိုစာဖတ်ရုံနဲ့တကယ်နားမလည်နိုင်ဘူး။အထောက်အပံ့တော့ရမယ်။
ကိုယ့်စိတ်ကိုကိုယ်တည့်တည့်ကြည်ထားတတ်မှ ကိုယ့်စိတ်အကြောင်းကို ကိုယ်နားလည်မယ်။

လူ့ဂုဏ်သိက္ခာနဲ့စိတ်ချမ်းသာမှုဟာဆက်စပ်နေပါတယ်။လူ့ဂုဏ်သိက္ခာနဲ့
ပြည့်စုံတဲ့သူမှသာ စစ်မှန်တဲ့စိတ်ချမ်းသာမှုကို ရနိုင်တယ်။ကိုယ်ကျင့်တရား
 ကောင်းတဲ့သူဟာ စိတ်ပိုချမ်းသာတယ်။ ကိုယ်ချင်းစာတတ်တဲ့သူ၊ကူညီတတ်တဲ့သူ၊ ရိုးသားတဲ့သူဟာ
စိတ်ပို ချမ်းသာတယ်။ နောင်တရစရာ မရှိတဲ့သူဟာ စိတ်ပို ချမ်းသာတယ်။
ငါဟာဂုဏ်သိက္ခာရှိတဲ့သူလို့ မှန်မှန်ကန်ကန် ခံစားရဖို့လိုပါတယ်။
အများကကိုယ့်ကို ဂုဏ်သိက္ခာရှိတဲ့သူလို့ အသိအမှတ်ပြုတာကို ရဖို့လည်းလိုပါတယ်။
ပုဗ္ဗေစ ကတပုညတာ " ကောင်းတာကိုလုပ်ခဲ့ခြင်း " ဆိုတာ မင်္ဂလာတရားမှာပါတယ်။
မင်္ဂလာဆိုတာ ပြည့်စုံဖို့ ကြီးပွားဖို့ အောင်မြင်ဖို့ အကြောင်းကိုခေါ်တာ။
စိတ်ချမ်းသာဖို့ အကြောင်းလည်း ဖြစ်ပါတယ်။ ဒါကြောင့် စိတ်ချမ်းသာချင်ရင်
မင်္ဂလာတရားနဲ့အညီ နေဖို့လည်းလိုပါတယ်။
စိတ်ချမ်းသာချင်ရင် မရိုးသားတဲ့သူနဲ့ မပေါင်းနဲ့။ လိမ်ညာလှည့်စား
တတ်တဲ့သူနဲ့ပေါင်းရင် စိတ်ချမ်းသာမှု မရနိုင်ဘူး။ စိတ်ချမ်းသာချင်ရင်
ကိုယ့်ကို အထက်စီးကဆက်ဆံချင်တဲ့သူနဲ့ မပေါင်းနဲ့။ အမြဲတမ်းအောက်
ကျို့ပြီးပေါင်းရတဲ့သူနဲ့ မပေါင်းနဲ့။ ကိုယ့်ဂုဏ်သိက္ခာကို
မလေးစားတဲ့သူနဲ့ ပေါင်းရင် စိတ်ချမ်းသာမှု မရနိုင်ဘူး။
စိတ်ချမ်းသာမှု၊ စိတ်ဆင်းရဲမှုဆိုတာ ဆက်ဆံရေးကြောင့်ဖြစ်ရတာ
များပါတယ်။ဒါကြောင့်စိတ်ချမ်းသာချင်ရင် ဆက်ဆံရေးမှာအပြန်အလှန် လေးစားမှု၊
အသိအမှတ်ပြုမှုရှိတဲ့ ဆက်ဆံရေးကိုဖန်တီးပါ။ လူတိုင်းကိုယ့်ကို အသိအမှတ်
ပြုတာ၊ သိပ် လိုချင်ပါတယ် အသိအမှတ်ပြုတာခံရရင် သိပ်စိတ်ချမ်းသာတယ်။
ဒါကြောင့် လူ လူချင်း အသိအမှတ်ပြုပါ၊ တန်ဖိုးထားပါ၊ လေးစားပါ။ အဲဒါစိတ်ချမ်းသာမှု ပေးလိုက်တာပါပဲ ။

( ဆရာတော် ဦးဇောတိက )

8 comments:

မိုးသက် said...

ဒီစာဖတ်ပြီးကိုယ့်ကိုယ်ကိုသုံးသပ်ကြည့်တယ်အစ်ကို.. တော်တော်လိုသေးတယ်.။

ချစ်စံအိမ် said...

မှန်တယ် ထောက်ခံတယ်..
ကျေးဇူးတင်ပါတယ်ရှင်

လွင်ပြင်လှိုင်းငယ် said...

အသိတရားရစေမယ့် ဝေမျှမှု့အတွက် ကျေးဇူးပါ မောင်မောင်ရေ

AH said...

ကျေးဇူးပါ ကိုမောင်မောင်...

စံပယ်ချို said...

ဟုတ်တာပေါ့မောင်မောင်ရေ
(နောင်တရစရာ မရှိတဲ့သူဟာ စိတ်ပို ချမ်းသာတယ်)

Anonymous said...

သိပ်မှန်တာပေါ့
ပို့စ်လေးဖတ်ပြီး တွေးစရာလေးတွေပါ သယ်သွားတယ်
အိမ်မက်စေရာ

San Yin Mon said...

Вы правы.စိတ်ချမ်းသာမှ ကိုယ်ကျန်းမာမယ်။

San San Htun said...

ဆရာဦးဇောတိက စာတွေဆို အရမ်းနှစ်သက်တာ..

Post a Comment

မိတ်ဆွေများရဲ. စကားတစ်ခွန်းဟာ ကျွန်တော်.အတွက် အားဆေးတစ်ခွက်ပင်ဖြစ်ပါတယ်။