ရှေးလူကြီးများထံမှ ဆိုမိန့်ခဲ့တဲ့ မြန်မာစကားပုံများကို မှတ်သားသိရှိနိုင်ကြရန်အတွက်မျှဝေတင်လိုက်တာပါ
သိမှတ်ထားကြတဲ့ မြန်မာစကားပုံများကိုမျှဝေပေးလိုက်ပါတယ်။သည်ယုန်မြင်လို့သည်ချုံထွင်
ချုံရှင်းလိုတာမဟုတ်ဘဲ ယုန်ရရန်ရည်ရွယ်ချက်ဖြင့်
ချုံကိုခုတ်ထွင်ရှင်းလင်းဘိသကဲ့သို့ အလားအလာကို
မြော်မြင်လို့ အခြေအနေတစ်ရပ်ကို ဖန်တီးသည်။
သမုဒ္ဒရာရေ တစ်ယောက်တည်းသောက်လို့မကုန်
သမုဒ္ဒရာရေကို တစ်ယောက်တည်းသောက်လို့ မကုန်ခမ်းနိုင်သကဲ့သို့
ပေါများလှစွာသော အခွင့်အလမ်းများကို တစ်ဦးတစ်ယောက်တည်းရ
ယူခံစားလို့ ကုန်နိုင်ဖွယ်မရှိပါ။
သမင်မွေးရင်းကျားစားရင်း
ဘ၀အဆက်ဆက် ရန်ဘက်ဖြစ်လာခဲ့ရာ တစ်ဦးကသမင် တစ်ဦးကကျားဘ၀တွင်
သမင်မွေးလိုက်တိုင်းကျားက စားပစ်သကဲ့သို့ အကျိုးတစ်စုံတစ်ရာ ဖြစ်ပေါ်လာတိုင်း
အဖတ်မတင်ဘဲ ကုန်သွားသည်။
နေတော့ပျဉ်ထောင် စားတော့ချဉ်ပေါင်
လူမြင်သူမြင် နေထိုင်ရာတွင် ပျဉ်ထောင်အိမ်ကြီးနှင့် တခမ်းတနား ရှိသော်လည်း
လူမမြင်သည့် စားသောက်မှူတွင်မူ ချဉ်ပေါင်ဟင်းသာ စားနေရသကဲ့သို့ အများအမြင်
တွင် ကြွယ်ဝဟန်ရှိသော်လည်း အမှန်တကယ်မူ ချို့ချို့ငဲ့ငဲ့ ဖြစ်နေသည်။
ပါးစပ်ဟ အူမ မြင်
ပါးစပ်ဟရုံနှင့် အူမကို မြင်သည်ဆိုသကဲ့သို့ ပြောစကားကို ကြားလိုက်ရုံနှင့် ထိုသူ၏
သဘောထားကိုသိမြင်နိုင်သည်။
နေပူတုန်း စပါးလှန်း
နေပူစဉ် စပါးလှန်းရသကဲ့သို့ အခြေအနေပေးစဉ်
လုံ့လစိုက်ပြီး အခွင့်အရေးကို အသုံးချရသည်။
နွားကြော့ဆိုလေ ချုံတိုးလေ
နွားကိုကြော့ပေ့မော့ပေ့ဟု ချီးမွမ်းလေ နွားကချုံထဲတိုးလေ ဖြစ်သကဲ့သို့
အထင်တကြီးချီးမွမ်းလေ မဖွယ်မရာ ပြုမူလေဖြစ်သည်။
မပြည့်သည့်အိုး ဘောင်ဘင်ခတ်
ရေမပြည့်အိုးသည် သယ်ယူရာ၌ ဘောင်ဘင်ခတ်၍ အသံမြည်သကဲ့သို့
မပြည့်ဝသောသူသည် တည်ကြည်ငြိမ်သက်ခြင်းမရှိပေ။
ဒေါင်းတုလို့ စာသူငယ်လှမ်း
ဒေါင်း၏ခြေလှမ်းကို စာသူငယ်က တုပ၍ လှမ်းသကဲ့သို့
မိမိနှင့်မတန်မရာကို တုပပြုမူသည်။
အသံသာရှိ အဆန်မရှိ
သင်္ကြန်အမြောက်သည် အသံသာမြည်၍ အဆန်မပါ
သကဲ့သို့ အပြောဖြင့် ကြုံးဝါးမြည်ဟိန်းသော်လည်း
တကယ် လက်တွေ့တွင် ဘာမှထိရောက်မှုမရှိပေ။
အိမ်ရှေ့ပူ အိမ်နောက်မချမ်းသာ
အိမ်ရှေ့ခန်း၌ရှိနေသူများ ပူပန်သောကဖြစ်နေကြစဉ်
အိမ်နောက်ခန်း၌ ရှိနေသူများလည်း သာယာချမ်းမြေ့မှူ
မရှိနိုင်သကဲ့သို့ ဦးဆောင်ဦးရွက်ပြုသူများ ပူပင်သောက
ဖြစ်နေကြလျှင် မှီခိုအားထားနေရသူများလည်း သာယာ
ပျော်ရွင်ခြင်းမရှိနိုင်။
ရှေ့ဆောင်နွားလားဖြောင့်ဖြောင့်သွားက နောက်နွားစဉ်စိုက်ဖြောင့်ဖြောင့်လိုက်၏
ရှေ့ဆောင်နွားလား ဖြောင့်ဖြောင့်သွားလျှင် နောင်နွားများလညိး အစဉ်တစိုက် ဖြောင့်ဖြောင့်လိုက်ဘိသကဲ့
ဦးစီးခေါင်းဆောင်ဖြစ်သူက ဖြောင့်ဖြောင့်မတ်မတ် ကြံစည်လုပ်ဆောင်ပါလျှင်နောက်လိုက်ငယ်သားများလည်း
ဖြောင့်ဖြောင့်မတ်မတ်ပင်ကြံစည်လုပ်ဆောင်ကြသည်။
လင်လိုတုန်း နားပဲ့
အိမ်ထောင်ပြုချင်စိတ်နှင့် လှချင်ပချင် ဖြစ်နေစဉ်တွင် အလှအပ
တန်ဆာဆင်ရမည့် နားကပဲ့သည်ဆိုသကဲ့သို့ တစ်စုံတစ်ရာပြုလုပ်
ရန် ထက်သန်တက်ကြွနေစဉ် မိမိ၌ အကြောင်းမညီမညွတ်ဖြစ်လာ
သည်။
နောက်အိပ်က အလျင်ပျော်
နောက်ကျမှအိပ်သူက အလျင်အိပ်ပျော်နှင့်သကဲ့သို့ နောက်ကျသော်လည်း
အခွင့်အလမ်းသာဖြစ်စေ၊ အကြံထူး ဉာဏ်ထူးသုံး၍ဖြစ်စေ အလျင်ဦးစွာအောင်
မြင်ပြီးမြောက်သည်။
လင်းနို့ခွန်တောင်း ကြွက်၊ ကြွက်ခွန်တောင်း လင်းနို့
လင်းနို့သည် လင်းနို့ခွန်တောင်းလျှင် ကြွက်၊ ကြွက်ခွန်တောင်းလျှင် လင်းနို့ဟုဆိုကာ အခွန်ပေးဆောင်ရန်
ရှောင်တိမ်းသကဲ့သို့ မိမိရင်ဆိုင်ရမည့်ကိစ္စ၌အကျုံးမ၀င်သယောင် မလိမ့်တပတ်လုပ်ကာ ရှောင်တိမ်းသည်။
ရွှေသမင်ဘယ်ကထွက် မင်းကြီးတောကထွက်
ရွှေသမင်ကို ကိုယ့်တာ (စည်း) နှင့်ကိုယ်အသီးသီးတာဝန်ယူ၍ ပိတ်ဆို့ဖမ်းဆီးကြရာတွင်
ရွှေသမင်သည် မင်းကြီး၏တာမှ လွတ်မြောက်ထွက်ပြေးသွားသကဲ့သို့ အသီးသီး ကိုယ့်တာဝန်
ပိုင်းနှင့် ဆောင်ရွက်ကြရာတွင် အကြီးအကဲ လုပ်သူ၏ အပိုင်းမှ လစ်ဟင်းပျက်ကွက်သည်။
0 comments:
Post a Comment
မိတ်ဆွေများရဲ. စကားတစ်ခွန်းဟာ ကျွန်တော်.အတွက် အားဆေးတစ်ခွက်ပင်ဖြစ်ပါတယ်။